mikið erum við (flest okkar) það heppin hvað við erum efnuð þjóð...

þegar meðalnemandi getur skroppið til útlanda amk 2x á ári "átt" íbúð og bíl og sumir hverjir jafnvel með barn eða börn á heimilinu... Ekki að það kosti ekkert að vera til og leyfa sér ýmsan munað... en hagstæð námslán og yfirdrættir geta auðveldað manni slíkt "frelsi".

Það eru forréttindi að vera í námi og með réttu skipulagi er alveg óþarfi að vera háður tímanum og maður þarf ekkert að skammast sín fyrir að nýta part af námslánunum í einhverskonar ferðalög eða munað sem tengist náminu ekki neitt.... því flest allir gera það hvort sem er....

... þetta kalla ég almennilegt akademískt frelsi!

æj ég er bara eitthvað svo fegin að ég er ekki sú eina sem er að fara út núna rétt fyrir próf... þó að flest allir séu að fara á útsölur í hinum og þessum löndum þá eru aðrir sem taka skrefið lengra og skella sér til Kúpu eða Indlands...

Það má spyrja sig hvort að þetta tengist eitthvað því að sjúkrapróf haustannar verða hugsanlega færð frá ágúst yfir í janúar..... thaj það gerir það í mínu tilviki ...amk 75% ...ég er meira að segja að hugsa um að lengja dvöl mína í Englandi...

roger. 

Helgin var meira en góð! Að hefðbundnum sið þá héldum við Eiður upp á afmælin okkar saman sem var heilmikið stuð.....Afmæli eru einmitt svo skemmtileg að því leyti að allir leyfa sér smá pásu frá vinnu og námi til að hittast og kjetsuppa...

Ég stóð sveitt við eldamennsku á Rafha eldavélinni okkar um helgina því María kom í mat á laugardaginn og svo hele familien í gær...það kom sér því vel að Hartmann bróðir gaf mér pottaleppa í afmælisgjöf.....því ég er alls ekki ódugleg að brenna mig á hinum og þessum hlutum....Ég hélt samt að ég væri löngu búin að eyðileggja tauganemana í fingurgómunum vegna barvinnu..en það lítur allt út fyrir það að ég sé að fá tilfinningu í þá aftur...

Ég ætla nú ekki að gera upp á milli gjafanna en ég held að blandarinn sem Emil gaf mér sé ansi ofarlega enda verulega hagnýtt tæki svo ég tali nú ekki um sportlegu ryksuguna á álfelgunum sem mamma og pabbi gáfu mér (pabbi valdi hana), ásamt þessu fína vöfflujárni og vöffludeigi. Vöfflujárnið er til að bjóða fjölskyldunni í vöfflur á aðventunni og deigið er svona til vara ef ég kynni ekki að gera það sjálf. Foreldrar mínir vita s.s ekki að ég er Vöfflumeistari Dvalar eftir að hafa gert vöfflur með kaffinu í tvö sumur... En það mun koma þeim á óvart núna um aðventuna....

Verkfærakassinn sem María gaf mér er einnig hagnýtur svo er ekkert verra hvað hann er stælish!

En nóg af gorti og meira af námsbókalestri

roger 

Ef ég skil hlutina rétt þá er sálfræðin búin að færast úr félagsvísindadeild yfir í heilbrigðisvísindadeild og verður þar með læknisfræðinni, hjúkrunarfræðinni, lyfjafræðinni, tannlæknisfræðinni og matvæla- og næringarfræðinni. 

..Og samkvæmt þessu þá útskrifast ég með B.S gráðu en ekki B.A...

...sem er næs!

..og núna er bara að vona að endurtektarprófin munu færast yfir í janúar (í stað ágúst)....

þá þarf ég ekki að hafa áhyggjur af prófunum vegna þess að ég mun vera erlendis á portishead og aphex twin tónleikum í fáránlegu kæruleysi... 

Systir hans Kára hefur viðurkennt að hafa hleypt Fluffy inn þegar hún bjó hérna með kærastanum sínum. Sem útskýrir afhverju kötturinn er svona æstur í að komast inn til okkar....

..jújú hann er voða sætur hann Fluffy og alltaf gaman að klappa honum..... en það er líka voða þægilegt að hann sé bara úti.

Hvað varðar skólann þá hef ég loksins sætt mig við að B.A náminu sé að ljúka og að tími sé kominn til að ákveða framhaldsnám. Nú þarf ég bara að skrá mig í B.A ritgerð og velja leiðbeinanda. Ég er að hugsa um að taka 3ja eininga leskúrs sem ítarefni með B.A verkefninu eða kannski "Fortölur" kúrsinn. Um haustið á ég síðan einn skyldukúrs eftir sem eru 5 einingar. Ætli ég vinni ekki bara fulla vinnu með honum. Hvað varðar framhaldsnámið, þá er ég mest spennt fyrir taugavísindum og hugfræði í Edinborgarháskólanum..

En fyrst er að klára námið hérna heima..

Ef það væri ekki bara þessi leiðinlega próffræði.. 

Fluffy nágranni hefur ekkert látið heyra í sér síðan hann braust inn til okkar síðustu sunnudagsnótt...

....Venjulega mjálmar hann fyrir utan svefnherbergisgluggann (til að bjóða okkur góðanótt) en síðustu sunnudagsnótt um hálffimmleytið, tókst honum að hoppa inn um stofugluggann....enda búinn að vera duglegur að æfa sig....

- Ég skammaði hann fyrir innbrotið en fyrirgaf honum samt verknaðinn því hann horfði svo krúttlega á mig.Hann var líka eitthvað svo mannlegur þegar ég kallaði á hann til að fylgja honum út. Elti mig og svaraði öllum skammyrðum með mjálmi einnig knúsaði hann mig góðanótt áður en hann rölti út í nóttina.

...en núna hef ég ekkert heyrt í honum síðan ég skammaði hann...og hann hefur ekkert komið til mín að spjalla þegar ég skrepp út fyrir í sígó...

..það má segja að ég sakni hans...

Fór á frekar flotta tónleika í gær með hljómsveitinni Malneirophrenia - tónlistin er í stíl við gamlar hryllingsmyndir og Danny Elfman... frekar töff hjá þeim.

Mér tókst að gera mig að í gær.

Eitt skiptið var þegar ég fór af einhverjum óútskýranlegum ástæðum að rökræða við flyer-gaur. Sem reyndi að fá mig og fleiri á tónleika hjá vinum sínum. Sú hljómsveit flokkast sem "psychadelic sýru punk" (eins og flyer-gaurinn sagði að Siggi Pönk kallar þetta). ....En jæja.. einhvernvegin þróaðist þetta allt saman í rifrildi sem endaði þannig að Flyer-gaurinn hreytir í mig "vert þú bara ekkert að koma á tónleikana okkar, ég sé að þú átt hvort sem er engan pening" og snýr sér svo við til að labba út...

...eftir stóð ég með krosslagðar hendur og kallaði stolt "Einmitt! Ég á sko alls engan pening!"

en svo leið næstum því yfir mig af skelfingu þegar ég fatta að ég gleymdi að segja "fyrir þig!, 'Eg á sko alls engan pening fyrir ÞIG!".

Hitt atvikið var þegar ég hitti Erling og ég spyr hann hvað sé að frétta af Áslaugu systur hans. Erling segist vera á leiðinni í afmæli til hennar á laugardeginum (í dag). Ég hringi að sjálfsögði strax í Áslaugu til að óska henni til hamingju með daginn en kemst að því að hún eigi bara alls ekki afmæli.....

heldur Rakel dóttir hennar.... og Áslaug á afmæli 11 júní.

En Áslaug er svo sæt og góð að hún ætlar að geyma afmæliskveðju þar til á næsta ári.... svona ef ég skildi gleyma mér aftur.

Hæ hó.

það er grein eftir mig í Mogganum í dag. Endilega lesið hana og komið svo með mér á ráðstefnu á morgun. Ef þið hafið ekki áhuga á ráðstefnu þá er ykkur velkomið að rölta með mér á kertafleytinguna annað kvöld...

það býr hvítur og grár köttur hérna í húsinu við hliðina. Hann er vel loðinn og krúttlegur enda heitir hann Fluffy.

Hann fylgir mér úr hlaði á morgnanna þegar ég fer î skólann og tekur fagnandi á móti mér þegar ég kem heim.

Svo á hann það til að sitja fyrir utan eldhúsgluggann og horfa á okkur Emil vaska upp eða borða.

Í morgun var hann mættur fyrir utan eldhúsgluggann og mjálmaði alveg heil ósköp......

....núna er hann kominn fyrir utan stofugluggann og mjálmar á hann Emil sem er í tölvunni.. og horfir á hann með stórum augum í von um að vera hleyptur inn.

ég held að hann sé að kalla á hjálp......Emil heldur að hann sé ofdekraður

p.s rétt í þessu hékk Fluffy á stormjárninu í glugganum á einni loppu... það var frekar fyndið...

Ég ætla bara að minna sem flesta á að mæta á fyrirlestur hjá okkur í MANÍU. Fimmtudaginn 4. október kl 15:15 í stofu 201 í Lögbergi.

Á fyrirlestrinum verður stutt kynning á starfsemi Maníu. Einnig munu tveir einstaklingar fjalla um geðsjúkdóma sína (geðhvörf, geðklofi). Þeir munu upplýsa okkur hvernig það er að búa við skert geðheilbrigði og hvernig það er að aðlaga því að námi og vinnu. 

Ég get alveg lofað ykkur því að þetta eru tveir frekar flottir fyrirlestrar! Og ég hvet alla til að mæta og efla þannig skilning sinn.

þeir sem mæta ekki eru fordómafullir aumingjar